Sie sind hier: Startseite > Archiv > 2009/10 1. Halbjahr > Plattdüsk lesen

TGG-Schölers bi d’plattdütske Lesewettstried vörn daarbi

Die beiden erfolgreichen Teilnehmerinnen mit Herrn Visser

An d’ 5. Juni 2009 hett in Emden de plattdütske Lesewettstried van Oostfreesland stattfunnen.

Daar sünd de beid Besten van elke Schooljahrskoppel ut de enkelde 6 oostfreeske Kuntreien tegennanner antreden. Ok Gertje Bruins ut de 6. Klass un Imke Schulte ut de 12. Klass van Teletta-Groß-Gymnasium harren sük in de Vörentscheed dörsett un dürsen de Jury wiesen, wat se könen.

Bi de grote Ofslussavend in ’t Neei Theater in Emden wurren all Deelnehmers ehrt un de beid besten ut elke Schooljahrskoppel uttekend. Daarbi hett Imke Schulte mit de 2. Platz in de Koppel „11-13 Schooljahr“ ofsneden und Gertje Bruins hett am besten van ’t 5./6. Schooljahr leest un de 1. Platz maakt. Se dürt nu an de 19. Juni bi de Endrunn van d’ plattdütske Lesewettstried deelnehmen, waar se tegen de besten van heel Nedersassen antreden deit.

Text: Imke Schulte / Foto: Hans Michaelis

2009-08-26, jb